Mércores de 19:00 a 20:30. Profesor: Martin Pawley.
Existe o cinema africano. Existen, mellor dito, os cinemas africanos, tan diversos como diverso é o continente. Da longa tradición do cinema exipcio á esplendorosa emerxencia da creación fílmica na África negra a partir dos anos 60, o obradoiro analizará os principais cineastas e as películas esenciais de cinematografías durante moitos anos descoñecidas para os espectadores. Nomes coma os de Ousmane Sembene, Djibril Diop Mambety, Souleymane Cissé, Youssef Chahine, Sarah Maldoror ou Safi Faye serán obxecto de atención nun curso que prestará atención, ademais, aos creadores e creadoras africanos do noso tempo.
Preinscrición os días 3, 4 e 5 de setembro. Picar aquí para obter máis información sobre a inscrición.
Fórum Metropolitano: O ceo é para tod@s
ATENCIÓN! Xoves de 17:00 a 18:30. Profesor: Martin Pawley.
Cada vez vivimos máis afastados do ceo e da noite mais, paradoxalmente, nunca foi tan grande a curiosidade e o interese pola astronomía e a cosmoloxía. Neste obradoiro aprenderemos a recoñecer o firmamento a simple vista e afondaremos na ciencia asociada ao estudo dos obxectos celestes: os movementos da Terra, o Sol e o sistema solar, a vida e a morte das estrelas, o inicio do universo... En todas as sesións dedicaremos uns minutos a repasar que podemos ver no ceo nesas datas e daremos conta dalgunhas noticias de actualidade.
Preinscrición os días 3, 4 e 5 de setembro. Picar aquí para obter máis información sobre a inscrición.
Fórum Metropolitano: Mulleres cineastas
Xoves de 18:30 a 20:00. Profesor: Martin Pawley.
Se ben ao longo da historia o oficio de director foi maioritariamente masculino, desde o inicio do cinema houbo mulleres que se puxeron con éxito detrás das cámaras. No obradoiro analizaremos a obra de directoras excepcionais que crearon e crean filmes esenciais para o progreso do cinema, desde a pioneira Alice Guy á lenda viva Agnès Varda pasando por nomes como Lois Weber, Dorothy Arzner, Maya Deren, Chantal Akerman, Kathryn Bigelow, Safi Faye e moitas outras. Ademais, valoraremos a programación das nosas salas e daremos conta das novas de actualidade máis importantes.
Preinscrición os días 3, 4 e 5 de setembro. Picar aquí para obter máis información sobre a inscrición.
